我的可愛老婆

我有一個可愛老婆, 為什麼?

老婆叫Kawaii (日文: 可愛), 名字已經夠可愛了吧~
老婆會被蚊子追著咬, 咬到雙腳腫起~
老婆可以頭也不梳就上班去~
老婆可以咬到老公很痛也不停口~
老婆會三更半夜偷偷地去買胃藥而不說給老公聽~
老婆可以睡一整天, 連洗手間也不用上~
老婆可以整晚不睡覺去陪老公跑馬拉松~
老婆會突然跑到老公的辦公室來等老公下班~
老婆可以連續工作32小時也不用睡覺~
老婆可以狂吃巧克力而不用吃飯~
老婆可以長期咬著香口膠也不吐出來~
老婆會光著身子在家四處走, 當然是只有女生的時候~
老婆會喝醉酒, 然後說自己沒有喝醉~
老婆是一個很孝順的孫女, 亦是個很頑皮的女兒~
老婆會嫌棄地方不清潔, 但對食物就沒有要求~
老婆會很留心聆聽老公的說話~
老婆會突然之間多愁善感~
老婆會為愛而付出, 而放棄任何東西~
老婆堅持的時候很可愛~
老婆堅強的時候很可愛~
老婆睡覺的時候很可愛~
老婆睡醒的時候很可愛~
老婆害羞的時候很可愛~
老婆勇敢的時候很可愛~
老婆豪氣的時候很可愛~
老婆漸漸地會為老公而變成一個很可愛的老婆~
最後...
老婆會很愛她的老公~~
老公也會很愛很愛他的老婆~~~

屋企人

我覺得屋企人真係好緊要，
我相信老公都係咁諗~
如果自己對自己o既屋企人唔好，
第時點會對自己家庭o既屋企人好呢？

老公好o錫我p既公公、婆婆，
正如我都好o錫我老公o既daddy, mammy一樣...

同老公個媽媽食生日飯，其實我都幾開心ga~
因為媽媽都對我幾好ga，又會俾化妝品我用啦，
又會俾好有特色o既褲我著啦~ 幾o錫我呀!!

仲有佢爸爸會成日擔心我訓覺訓得太多會好肚餓啦~
會擔心我訓得太多而叫醒我啦~
一切一切都係對我好~ 我內心係知道ga~
所以我都會對佢o地好o的囉﹗

老公又陪o左我同屋企人食飯，
差唔多個個星期都見，
公公走之前仲成日都陪住我同屋企人，
真係辛苦老公喇~

2個人都好努力咁為o左我o地o既將來，
為o左大家o既屋企人，
儘管平凡o既星期六日，都可以一樣過得好自然，好開心~
咁樣o既生活，真係好幸福呢...

所以，老公，我愛你，也愛你的屋企人...

------------------------------------------------------------

同樣地, 我都覺得屋企人好重要

因為我是獨生子的關係, 由細到大都是爸媽寵大
所以, 我有時也會對他們語氣不太好
可能因為在出面受了氣, 就回家發洩的緣故吧

不過我知道, 我心裡面是非常愛他們的
因為在世界上, 父母只有一個
他們口裡說的難聽, 也只是著緊我
怕我一個人不會照顧自己, 人生活得不好, 行差踏錯, 等等等等...

現在, 家中多了一個成員: 琪琪
爸媽都非常開心, 當她好像是未來新抱一樣
又用對待我的呵護備至方法來照顧, 關懷她

老實說, 他們太過熱情, 其實令我有一點點不好意思
因為不知道琪琪受不受這一套

不過對於琪琪來說, 她覺得很開心, 很舒服
她多年來就是欠缺父母的關懷
遲來一點的家庭溫暖令她非常受落

我的家雖然不是很完整, 很美滿, 很富裕
但起碼令琪琪感覺到他們的好意就好了
把我的寵幸分給我的老婆, 當然沒問題了

對於她的家人, 我開始比較熟悉他們了
至於我能力可以做到的話
陪她多一點又有什麼問題
一個星期吃一兩餐飯, 舉手之勞了
雖然拍拖是兩個人的事
但不可以因為拍拖, 其他什麼都不理

我是非常反對盲目地去做人, 盲目地去拍拖
兩個人去做點有意義的事, 時間才不會白過
例如多點陪琪琪婆婆, 多點吸收新事物
兩個人一起經歷, 兩個人一起進步
感情就會變得越來越穩固

老婆妳說對嗎?

老實說, 這樣簡單的生活, 我也覺得好幸福了
老婆, 我也會為我們的將來而努力

P.S. 老婆, 我愛妳, 不只愛妳的屋企人, 而是愛你的全部

2010年2月28日

今日係2010年2月28日, 我同琪琪既一個月紀念日, 在這短短的一個月裡, 我們經歷了很多重要的日子: 夜遊荃灣, 長洲旅行, 春節, 情人節, 拜年, 朋友聚會, 醫院探訪公公, 公公的離去, 琪的實習日, 馬拉松.. 確實時間很充實, 很開心, 很甜蜜. 這一個月, 過得太快了, 三月又來到.

有一晚, 琪琪傳了個msn message俾我, 說我們不如開一個Blog, 把我們的事記下來, 於是這個屬於我們的小地方就誕生了.

琪, I always love you, 努力去建設屬於我們的Blog 及 屬於我們的將來.

-----------------------------------------------------------------------------------------------

為o左慶祝3件事：1. 拍拖1個月大日子
2. 正月十五，中國情人節，元宵
3. Sam 加人工，哈哈哈哈~

終於都開o左個新o既blog喇~ 呢個係我同Sam o既 BLOG, 有咩想講o既，又唔係幾好意思講出口o既都會o係度表達個人o既意見。哈哈哈哈~~

一個月過得好快，咁就同佢一齊o左成個月喇~ 有多o野o野都發生o左，又玩o左好多o野，其實真係好開心o架都~

不過我呢個善忘o既人，一唔寫低o既話就會咩都唔記得晒啦~ 唔想成日都諗得咁辛苦，又有一個地方可以將我o地o既回憶放好，你話幾好先？

新blog開始了，要努力呀我o地，努力寫呢個blog，努力去相愛...